Якасць — перш за ўсё.

Пазнаёмцеся з нашай групай кампаній:

MENARINI.COM

КРАІНЫ

Звяжыцеся з намі

Berlin-Chemie распрацоўвае, вырабляе і распаўсюджвае лекавыя сродкі ўжо больш за 130 гадоў, а таксама з 1992 года гэта кампанія з'яўляецца даччынай кампаніяй, якая знаходзіцца ў поўнай уласнасці Menarini Group — вядучай італьянскай фармацэўтычнай кампаніі.

Спецыялісты

Пазнаёмцеся з анлайн-акадэміяй Berlin-Chemie – платформай, прызначанай дапамагчы вам палепшыць вынікі лячэння пацыентаў пры дапамозе мэтавай, міждысцыплінарнай медыцынскай адукацыі пад кіраўніцтвам сусветнавядомых экспертаў.

Падрабязней

Наша гісторыя

menu

Наша гісторыя

Фармацэўтычны вытворца з багатымі традыцыямі, размешчаны ў самым сэрцы Еўропы

1890 г.:«Kahlbaum Laborpräparate»

У 1890 годзе Ёханес Кальбаум заснаваў хіміка-фармацэўтычную кампанію «Kahlbaum Laborpräparate». На месцы старога завода ў Берліне (раён Адлерсхоф) цяпер стаяць сучасныя памяшканні BERLIN-CHEMIE AG. На пачатку XX ст. у фірме «Kahlbaum Laborpräparate» працавала больш за 250 чалавек, якія выраблялі больш за 1000 розных лабараторных хімікатаў і выпусцілі першыя лекавыя сродкі кампаніі.

1927 г.: ад «Schering-Kahlbaum AG» да «Schering AG»

У 1927 г. кампанія аб’ядналася з фірмай «Schering» з галаўным офісам у Берліне (раён Ведынг) і стала часткай аднаго з найбуйнейшых хіміка-фармацэўтычных вытворцаў краіны, які атрымаў новую назву: «Schering-Kahlbaum AG».

Толькі ў 1937 г. — праз дзесяць год — кампанія цалкам перагледзела стратэгію пасля поўнага паглынання фірмай «Schering AG»: з гэтага часу галоўнай задачай стала вытворчасць не толькі хіміка-тэхнічнай прадукцыі, але і паступовае павелічэнне долі фармацэўтычнай прадукцыі..

1956 г.: «VEB Berlin-Chemie»

Па заканчэнні Другой сусветнай вайны завод «Schering AG» у Адлерсхофе апынуўся ў савецкай акупацыйнай зоне і, адпаведна, пазней — у Германскай Дэмакратычнай Рэспубліцы. У выніку дэмантажу вытворчых сродкаў кампанія губляе машыны, абсталяванне, лабараторыі і сыравіну, але ў той жа час вытворчасць працягваецца — па замовах ваеннай адміністрацыі. Вялікую долю прадукцыі забралі савецкія акупацыйныя войскі ў якасці рэпарацый. У 1948 г. завод у Адлерсхофе быў нацыяналізаваны і пераўтвораны ў «народнае прадпрыемства» (па-нямецку — «VEB»).

Такім чынам, з сярэдзіны 50-х гг. кампанія называлася «VEB Berlin-Chemie». У наступныя гады народнае прадпрыемства ператварылася ў адну з найбуйнейшых у ГДР хімічных кампаній з вытворчасцю лекаў. Акрамя пеніцыліну, інсуліну і левамецытыну, «VEB Berlin-Chemie» вырабляла пестыцыды і прэпараты для барацьбы са шкоднікамі, пазней — таксама сілікаты для будаўніцтва жылля і сыравіну для тэкстыльнай і касметычнай прамысловасці.

1990 г.: заснаванне акцыянернага таварыства «BERLIN-CHEMIE Aktiengesellschaft (PLC)»

Незадоўга да падзення Берлінскай сцяны кампанія — з мэтай абараніць сваю будучыню — была ператворана ў акцыянернае таварыства з абмежаванай адказнасцю. Гэта, апроч іншага, прывяло да змены кірунку дзейнасці: BERLIN-CHEMIE пачала спецыялізавацца выключна на фармацэўтычных прадуктах і прывяла сваю вытворчасць у адпаведнасць міжнародным стандартам. Падчас гэтага карэннага пераўтварэння кампанія ўклала больш за 100 млн нямецкіх марак. Пасля аб’яднання Германіі былое «давернае бюро» Treuhandanstalt атрымала адпаведныя паўнамоцтвы і выставіла на міжнародны тэндар новаствораную BERLIN-CHEMIE AG.

1992 г. Купля італьянскай кампаніяй MENARINI Group

У рамках міжнароднага тэндара найбуйнейшая італьянская фармацэўтычная кампанія MENARINI Group у 1992 г. набыла BERLIN-CHEMIE AG, пасля чаго істотна пашырыла, у прыватнасці, аддзелы маркетынгу і продажу — з мэтай зрабіць кампанію прыдатнай для вырашэння задач сучаснасці. У такім выглядзе BERLIN-CHEMIE пачала працаваць на нямецкім фармацэўтычным рынку ў агульным з 1993 г. Асноўных эканамічных поспехаў кампанія пачала дабівацца з 1994 г. За апошнія два дзесяцігоддзі BERLIN-CHEMIE ператварылася ў паспяховага міжнароднага вытворцу лекаў.